நீங்கள் தேடியது "இயல்பு வாழ்க்கை பாதிப்பு"

ஜம்மு:

ஜம்மு-காஷ்மீர் மாநிலம் புல்வாமா மாவட்டத்தில் பயங்கரவாதி நடத்திய தற்கொலைப்படை தாக்குதலில் 40 சி.ஆர்.பி.எப். வீரர்கள் கொல்லப்பட்ட சம்பவத்தை தொடர்ந்து வெளி மாநிலங்களில் உள்ள காஷ்மீர் மாணவர்கள் மற்றும் வியாபாரிகள் மிரட்டப்படுவதாகவும் அவர்களின் உயிருக்கு ஆபத்து ஏற்பட்டுள்ளதாகவும் சமூக வலைத்தளங்கள் மற்றும் சில ஊடகங்கள் மூலம் தகவல் பரவி வருகிறது.

குறிப்பாக, உத்தரகாண்ட் மாநிலத்தில் தங்கி படிக்கும் காஷ்மீர் மாணவர்கள் உடனடியாக தாங்கள் தங்கியிருக்கும் வீடுகளை காலி செய்யுமாறு உரிமையாளர்களால் மிரட்டப்படுவதாக செய்திகள் வெளியாகின.

இதுபோன்ற அசம்பாவிதங்கள் மற்ற பகுதிகளில் ஏற்படாமல் இருக்க சம்பந்தப்பட்ட மாநில அரசுகள் அதிக அக்கறைகாட்டி, பாதுகாப்பு நடவடிக்கைகளை எடுக்க வேண்டும் என மத்திய உள்துறை அமைச்சகத்தின் சார்பில் சுற்றறிக்கை அனுப்பப்பட்டுள்ளது.

இந்நிலையில், காஷ்மீர் முன்னாள் முதல் மந்திரி உமர் அப்துல்லா நேற்று மாலை டெல்லி வந்து மத்திய உள்துறை மந்திரி ராஜ்நாத் சிங்கை சந்தித்தார். பிற மாநிலங்களில் உள்ள  காஷ்மீர் மாணவர்கள் மற்றும் வியாபாரிகளின் உயிருக்கு ஏற்பட்டுள்ள அச்சுறுத்தல் தொடர்பாக ராஜ்நாத் சிங்குடன் உமர் அப்துல்லா சுமார் 30 நிமிடங்கள் ஆலோசித்தார்.

இதற்கிடையில், வெளி மாநிலங்களில் உள்ள  காஷ்மீர் மாணவர்கள் மற்றும் வியாபாரிகளின் மீதான தாக்குதலுக்கு கண்டனம் தெரிவிக்கும் வகையில் ஜம்மு-காஷ்மீர் மாநிலத்தின் பல பகுதிகளில் நேற்று பிற்பகலில் இருந்து கடையடைப்பு போராட்டம் மற்றும் ஆர்ப்பாட்டங்கள் நடைபெற்று வருகின்றன.

இந்த போராட்டத்துக்கு காஷ்மீர் பொருளாதார கூட்டமைப்பு சங்கம், காஷ்மீர் வியாபாரிகள் சங்கம், தயாரிப்பாளர்கள் சங்கம் மற்றும் போக்குவரத்து சங்கங்கள் ஆதரவு தெரிவித்து வருகின்றன.


ஸ்ரீநகரில் உள்ள லால்சவுக் பகுதியில் வாரந்தோறும் ஞாயிற்றுக்கிழமைகளில் கூடும் சந்தையில் இன்று இருவர் கூட கடை வைக்கவில்லை. இதேபோல் அம்மாநிலத்தின் பல மாவட்டங்களில் கடைகள் திறக்கப்படாததால் மக்களின் இயல்பு வாழ்க்கை வெகுவாக பாதிக்கப்பட்டுள்ளதாக ஸ்ரீநகரில் இருந்துவரும் தகவல்கள் தெரிவிக்கின்றன.

இதற்கிடையே, புல்வாமா தாக்குதல் எதிரொலியாக காஷ்மீரில் இரு பிரிவினருக்கு இடையில் மோதல்கள் வெடிக்காமல் இருப்பதற்காக அம்மாநிலத்தின் சில பகுதிகளில் பிறப்பிக்கப்பட்ட ஊரடங்கு உத்தரவு இன்னும் அமலில் இருப்பதால் போலீசார் மற்றும் பாதுகாப்பு படையினர் அனைத்து பகுதிகளிலும் ரோந்துப்பணியில் ஈடுபட்டு வருகின்றனர். #Pulwamaattack #Normallifeaffected #Kashmirbandh 

அன்னவாசல்:

கஜா புயல் புதுக்கோட்டை மாவட்டத்தில் பலத்த சேதத்தை ஏற்படுத்தியுள்ளது. அன்னவாசலை சுற்றியுள்ள பல பகுதிகளில் ஏராளமான மரங்கள் முறிந்து விழுந்துள்ளன. இந்த பகுதிகளில் உள்ள அரசு கட்டிடங்கள், பொது வழிபாட்டு தலங்கள் மற்றும் சாலைகளில் ஏராளமான மரங்கள் முறிந்து விழுந்துள்ளது. புயலுக்கு தப்பிக்க முடியாமல் வீடுகளில் உள்ள மேற் கூரைகள் சேதம் அடைந்தன. ஊருக்குள் மற்றும் காடு வயல் வெளிகளில் உள்ள மின்கம்பங்கள் சாய்ந்துள்ளது. இதனால் அன்னவாசலை சுற்றியுள்ள பல பகுதிகளில் 5-வது நாளாக நேற்றும் மின்சாரம் வினியோகிக்கப்படவில்லை.

மேலும் குடிநீர் வினியோகம் ஒரு சில பகுதிகளில் முற்றிலுமாக கிடைக்கவில்லை. இதனால் பல கிராமங்களில் தண்ணீருக்காக பொதுமக்கள் காலிகுடங்களுடன் காத்துக்கிடக்கின்றனர். மின்சார வினியோகம் இல்லாததால் செல்போன்கள், டார்ச்லைட் போன்ற உபகரணங்களுக்கு சார்ச் போட முடியாமல் அப் பகுதி பொதுமக்கள் பாதிக்கப்பட்டுள்ளனர். விவசாய நிலங்களில் உள்ள கரும்பு, வாழை, தென்னை, தேக்கு மரங்கள் முழுவதும் சாய்ந்தன. பள்ளிகூடங்களில் உள்ள மரங்களும் சாய்ந்து கிடக்கின்றது. ஓட்டு வீடு, குடிசைகள் கடுமையாக பாதிக்கப்பட்டுள்ளன. அன்னவாசல் பகுதிகளில் உள்ள பாதிக்கப்பட்ட பல கிராம பகுதிகளுக்கு பார்வையிட எந்த அதிகாரிகளும் வரவில்லை என்றும் சம்பந்தப்பட்ட அதிகாரிகள் பாதிப் படைந்த பகுதிகளை நேரில் பார்வையிட்டு சீரமைப்பு பணிகளை மேற்கொள்ள வேண்டும் எனவும் பொதுமக்கள் கோரிக்கை விடுத்துள்ளனர்.

இதுகுறித்து முதலிப்பட்டியை சேர்ந்த கூலி தொழிலாளி சரவணன் கூறுகையில், புயல் தாக்கி 5 தினங்கள் ஆகியும் எங்களது ஊரை சுற்றியுள்ள வேளாம்பட்டி, காந்துப்பட்டி, முதலிப்பட்டி ஆலவயல் உள்ளிட்ட பகுதிகளுக்கு எந்த ஒரு அதிகாரிகளும் வர வில்லை. குடிப்பதற்கு தண்ணீர் இல்லை என்றார்.

மாங்குடியை சேந்த அஞ்சலை கூறுகையில், எனது ஓட்டு வீட்டில் ஓடுகள் அனைத்தும் காற்றில் பறந்துவிட்டது. நான் இந்த புயலில் தப்பித்ததே இறைவனின் செயல். ஆனால் 5 நாட்கள் ஆகியும் இதுவரை கிராம நிர்வாக அதிகாரி கூட இந்த பகுதியை வந்து பார்க்கவில்லை. எங்களது ஊருக்கு பஸ் வந்து ஐந்து நாட்கள் ஆகிறது என்றார்.

பெருமநாட்டை சேர்ந்த பெரியையா கூறுகையில், எனக்கு 80 வயது ஆகிறது எனது ஆயுசுக்கு இதுபோன்ற ஒரு புயலை பார்த்தது இல்லை. பலத்த காற்று வீசியபோது எனது வீட்டில் ஓடுகள் அனைத்தும் மளமளவென கீழே விழுந்தன. என் உயிரை கையில் பிடித்துக்கொண்டு வீட்டின் மூலையில் அமர்ந்து கொண்டேன் என்றார்.